Diana king
أميرة ايطاليا سات ★★
كتب زكريا العبد
أجرى مطرب المهرجانات أورتيجا، زيارة لمستشفى الناس الخيري لعلاج أمراض القلب والجهاز الهضمي والسكرى بالمجان، وذلك في إطار سلسلة من الزيارات التي يقوم بها المشاهير ونجوم المجتمع إلى المستشفى لتقديم الدعم النفسي والمعنوي للمرضى والمشاركة في التوعية.
تضمنت زيارة مطرب المهرجانات أورتيجا، جولة تفقد خلالها غرف الأطفال المرضي، وتعرف على الخدمات الطبية المقدمة لهم، كما التقي عدد من الأطفال في العيادات الخارجية الذين حضروا مع أولياء أمورهم سواء للمتابعة بعد العملية أو للكشف ضمن الإجراءات الخاصة بتحديد ما يحتاجه كل طفل من إجراءات علاجية أو جراحية حسب كل حالة.
خلال جولته، تعرف المطرب المهرجانات أورتيجا، على جميع أقسام المستشفى بما في ذلك الصيدلية والمطبخ والمغسلة وغيرها من الأقسام التي تتعلق جميعها بتقديم أفضل خدمة ورعاية للأطفال أثناء رحلة علاجهم داخل المستشفى، كما قدم "أورتيجا"، مجموعة من الهدايا المميزة للأطفال في غرفهم ما أدخل عليهم حالة من الفرح والبهجة.
وقال أورتيجا، في كلمته خلال الزيارة: "مستشفى الناس تعتبر من أقرب المستشفيات لقلبي، أنا أول مرة أزورها، لكن دايمًا كنت بشوف اعلاناتها وبشوف الناس بتتكلم عنها كتير، والمستشفى الحقيقة حاجة حلوة وتشرف».
وأضاف مطرب المهرجانات الشهير: «من أول ما دخلت الريسبشن حرفيًا لحد ما خلصت كل الأدوار، وشوفت كل المرضى وتفاصيل العمليات، والممرضين والدكاترة والناس المختصة اللي ماسكين المستشفى، تأكدت أني لم أشاهد مثل هذا الصرح العظيم من فترة كبيرة، وحرفيًا أنا مش مبسوط، أنا سعيد جدًا لأن عمليات صعبة زي عمليات القلب بتتعمل لكل الناس من كل المحافظات».
وتابع: «أنا قابلت مرضي القلب واتكلمت معاهم بكل مصداقية واتناقشت معاهم في الظروف الصعبة اللي بيمروا بيها مع عمليات القلب، لأن أنا عشت الظروف الصعبة دي كلها مع والدتي، وعمليات القلب مش سهلة خالص، ومش أي حد يتقي ربنا في هذه العمليات، لكن أنا النهاردة جيت شوفت النظافة وكل حاجة ماشية بنظام، وأنا مش بقول كلام وخلاص ليكم، وربنا يشهد عليا في الكلام ده».
واستطرد: «مستشفى الناس فعلًا لكل الناس، واللي شوفته حاجة تشرف مصر، وتشرف الناس اللي شغالين في المستشفى، وأنا فخور جدًا بزيارتي لمستشفى الناس، ومن الحاجات المبهرة بالنسبة لي خلال الزيارة، وجود تخصصات جديدة غير تخصص القلب، منها الجهاز الهضمي، وقريبًا هيكون موجود قسم لعلاج الحروق، وده يخلي الناس غير المقتدرة ماليًا تتعالج بسهولة».
وأشار أورتيجا، إلى أنه لمس الراحة النفسية على وجوه المرضي من الصغار والكبار، بسبب المعاملة الرقيقة من الممرضين تجاه كل المرضي، وقال: «أنا فخور بوجود مستشفى بهذا الشكل في مصر، وبقول لكل الناس، أي حد عنده شكوى في القلب أو الجهاز الهضمي، يتوجه لمستشفى الناس، وهيشوف أفضل رعاية طبية».
