السلام عليكم ياجماعة، شاب عمرو 20 سنة حاول الالتزام بعد بلاء حل به . أصبح يصلي جماعة وواضب على ذلك خلال مدة زمنية نسميها " دالتا " خلال الفترة " دالتا " كان يعفي اللحية نتاعو نوعا ما ( مش طويلة بالزاف ) وهي يلي خلاتو يلتزم أكثر وغير بزاف حوايج سلبية في سلوكياتو مثلا كان مايلقيش السلام وعاد يسلم كان متكبر نوعا ما ونقص من ذلك ، كان عندو خجل وخوف من التجمعات ورهاب ونقص بسبب صلاة الجماعة ، كان يمشط شعرو كما قاع الشباب ( يطلعو بالجال وكل مرة تسريحة ) ، ودوكا ماولاش هاد غير يهبطو ولا يميلو بالجنب ومايدريش الجال لانو يتوضا 5 مرات تقريبا .كان مدمن على العادة السرية ونقص منها ابعد الحدود كان يتفرج افلام اباحية وماولاش كانت علاقتو مع اسرتو خاصة الوالدة مش مليحة وتحسنت بالزاف .
المشكل مش هنا المشكل في انو تراجع عن كل ذلك لانو قصر لحيتو بزاف بالمقص ومرات يحلقها وماعادش يواضب على صلاة الجماعة والسبب هو نظرة الناس ليه تربكو ، كاين من المصلين يقعد يشوف فيه من لفوق لتحت وفي الشارع واولاد الحارة يشوفو فيه ويهدرو عليه وولا محط انظار وكلام الغاشي كان يقول في نفسي ما نستاهلش نكون شكلي كما السلفية لانو مانيش اهل لذلك . هو ما يطلبش العلم الشرعي لانو منشغل بالعلم الدنيوي معناها كان يشوف في روحو منافق ويحب الظهور برك وانو صورةسيئة للسلفيين هذو الناس الافاضل ( نحسبهم كذلك والله حسيبهم ) بسبب بعض التصرفات السيئة يلي مازال ماتخلصش منها . وهو اصلا ملفت للانتباه لانو شخصية منعزلة ( بسبب الخحل والرهاب ) وتقدر تلاحظ ذلك من قعدتو في المسجد ولا مشيتو في الطريق ولا هدرتو ورد فعل المجتمع بعد التزامو زاد الطين بلة .

علابالي طولت عليكم ومانيش عارف لكان فهمتو المشكلة ولا لا باختصار هو تراجع بعد الالتزام بعد ما كان يبكي في صلاتو ونادم على واش فرط ماعادش يقوم الليل ماعادش يتدبر ويستشعر الله في حياتو ممكن تقولو شكون قالك على كل هذا نقلكم لاني انا صاحب المشكلة والناس يلي تحب تنقب على التناقضات في القصة وتعلق ممكن تقولو كيفاش كان يمشط ويطلع شعرو ويدير الجال وهو شخصية خجولة وعندو رهاب نقلكم هذي الحقيقة ماش نكذب عليكم .
ماتزكونيش وماتشكرونيش لان اعلم بنفسي بعد ربي غير قولولي واش ندير نرجع لالتزامي وخاصة لحيتي لانها ساعدتي على الثبات ولاكيفاش ؟ لانو المشكل الرئيسي هي اللحية .