يا سهلا بهاذ القمر عليا طل ****بدر النصفية لكامل في لوصاف

يامحلا ذيك السمايم كي لعسل****نسبتها عربي مأصل من لشراف
مقواه الا كان عقلي راه اشل****من شوفتها يا لخاوة عدت نخاف

هاذي آية في جمال لا يمثل****و دارو عنها محاجية بالتخراف
من شوفتها شحال من قايد يذل****ومن طولتها يروح امتلف تتلاف
ما فيهاش اعيوب شينة ماتتمل****ما تلقى فيها نقيصة لا تقصاف

مربوعة فالقد أخفيفة فالضل****مسبوكة لقداد عريضة في لكتاف
اطولة نخلة ما تتعبر بانخل****دقلة نور اللي موكل للتضياف
في البنة عسلة الذايقها يحصل****عسل النحلة امربي في لرياف

يالايمني طارقلبي ليها وهمل****لبا يرجع لي معها دار احلاف
مقواه الا كان جسدي راه اهزل****ما ننسى مكانها رايح لتصياف
يا سايلني في هواها لا تسأل****لاتهوض لجراح زادوني تضعاف

قالوا ما تعيا امتبعها وتزل**** ساعفنا خليك من هاذ التعياف
قلت لهم مانطيق ننساها بسهل****ما هو رايي راه ذالقلب السياف
حاتمني لرموز صعبة ما تتحل****عييت نطاوع فيه احسبتوعراف

مانقدرش انقول هاذ القلب اهبل****وعاد يهاذي في كلامو ابلخلاف
ياخوتي عقلي اتلى عني واسل****لامن جا في نصرتي وعني ناف
يا وخذي شيان حالي واتبهدل****وتقير لوني على ضريفة لخفاف

شعراقرابي كظلمة طاح اسبل****ع جبهة قنديل فوقو دار احقاف
الحاجب و العين مليانة بكحل****و الشنوفة زايدتهم في التسراف
اشفايف و اخدود يسمين و فل****و المبسم مصموت يحلف فالشواف

الرقبة صاري الما منو طل****طبعوها ذوك السوالف ما تتعاف
صدرك طحطاحة للفارس ينزل****موالف للعودات محنة للتسلاف
قرسولو تفاح للخاوي موكل****و يحاذر روحو منصب للمنداف

الجوف المطوي ردبالك كتوصل****اسوكى بلاك اتتغر ابلجراف
راحة في المكان عندك لطول****و اقصب في الزورة خليها تخفاف
عذروني لاكان في وصفي ندلل****هاذالقمرة شوفها محنة و زعاف

من عزتها في هلاكي متعلل****خلوني في حالتي نا عقلي صاف
هذا حال العاشق ديمة متبهدل****حليلو مسكين راه عندو ماشاف
يا عاقل لاتلوم مسجون مسلسل****وذا بن خيمة كابرة فالتضياف


تمت بقلمي medcherif03