ثلاثة حافظ عليهم
فرضك
و عرضك
و أرضك
ثلاثة يمشو مع ثلاثة
الحرام يمشي مع الحرام
و الصحة تمشي مع التخمام
و الزين يمشي مع الأيام
ثلاثة يجيبو ثلاثة
كثرة الفراع تجيب العرك و و الهرج
و صحة الراس تجيب العوج
و الصبر يجيب الفرج
ثلاثة ينادو لثلاثة
العادم ينادي للعادم
و السيد ينادي للخادم
و القبر ينادي لبنادم
ثلاثة يبقو في ثلاثة
الحجر مايتنحاش مالواد
و الرخص مايتنحاش مالقواد
و الباطل مايتنحاش مالبلاد
ثلاثة يركبو على ثلاثة
المرض يركب على العليل
الفرسان تركب على الخيل
و المرأة تركب على الذليل
ثلاثة مايقعدوش مع ثلاثة
السيودا ما يقعدوش مع الكلاب
و الفرح ما يقعدش مع العذاب
و الجاهل ما يقعدش مع الكتاب
وثلاثة حافظ عليهم
فرضك
و عرضك
و ارضك