فريق منتدى الدي في دي العربي
05-19-2016, 06:52 PM
مقساهم بقلوب عنا يا لحباب....هاذي مدة قاع عنا ما سالو
لامن جامنهم وطبطب لي باب....ماضنيت قلوبهم عني يكحالو
صابر لجفاهم ولا ضني خاب....ماشكيت اخصايل الزينة زالو
هذا عيب وعار نا ليكم لولاب....نحسب في آيام هجرتكم طالو
ماضنيت ساعة الفرقة تطياب....وقطعتو خيط لمحبة و آوصالو
نساعف فالخاطر لعلا يرطاب....يرجع دمع العين ويزل اخبالو
ذا فتن الدنيا خلاها تصعاب....تتقطع لوصال غير على جالو
حب النفس و النسا هما لسباب....يتبدل في الطبع و يتغير حالو
واه الخو يبليه ويديرو كذاب....و يتبلا عنو وما يسوى والو
بعد وداع لمحبة يتقسمو لشعاب....من بعد الجملة يشتات اشمالو
تتقشلم لحوال و تغيم بسحاب....و يجبد لك ماداس فالقلب اعلالو
والله ما ضنيت اتكشو بانياب....و اتصومو لكلام و اتبان افعالو
خسارة عنكم! ذالهجر و لغياب....انا خوكم و علاه عني تطوالو
قلب المومن لاحقودي لاغتاب....و ضركة دار الحول لازم تعقالو
نقلبو صفحة جديدة من لكتاب....نطوو قع مافات الماضي باكمالو
مادرناش العيب فيكم يا لحباب....أهل الضنة راهم عندي مازالو
هم العزلة منها راسي شاب....لا من اتهنى قاع و ريح بالو
ياربي ياخالقي مالك لرقاب....برد ذ الهجران يطفى مشعالو
لا تترك شينة و بيها نتعاب....ولا لوم عليا نفد صبري ماذالو
لملنا فالشمل والعشرة تطياب....يليانو لقلوب و للرحمة يسهالو
بجاه الرسول فاتح كل ابواب....يتمسى محلول ذ القلب اقفالو
هون يااله لامن طلبك خاب....ذا اصلاح البين سلك تخبالو
تمت بقلمي medcherif03
لامن جامنهم وطبطب لي باب....ماضنيت قلوبهم عني يكحالو
صابر لجفاهم ولا ضني خاب....ماشكيت اخصايل الزينة زالو
هذا عيب وعار نا ليكم لولاب....نحسب في آيام هجرتكم طالو
ماضنيت ساعة الفرقة تطياب....وقطعتو خيط لمحبة و آوصالو
نساعف فالخاطر لعلا يرطاب....يرجع دمع العين ويزل اخبالو
ذا فتن الدنيا خلاها تصعاب....تتقطع لوصال غير على جالو
حب النفس و النسا هما لسباب....يتبدل في الطبع و يتغير حالو
واه الخو يبليه ويديرو كذاب....و يتبلا عنو وما يسوى والو
بعد وداع لمحبة يتقسمو لشعاب....من بعد الجملة يشتات اشمالو
تتقشلم لحوال و تغيم بسحاب....و يجبد لك ماداس فالقلب اعلالو
والله ما ضنيت اتكشو بانياب....و اتصومو لكلام و اتبان افعالو
خسارة عنكم! ذالهجر و لغياب....انا خوكم و علاه عني تطوالو
قلب المومن لاحقودي لاغتاب....و ضركة دار الحول لازم تعقالو
نقلبو صفحة جديدة من لكتاب....نطوو قع مافات الماضي باكمالو
مادرناش العيب فيكم يا لحباب....أهل الضنة راهم عندي مازالو
هم العزلة منها راسي شاب....لا من اتهنى قاع و ريح بالو
ياربي ياخالقي مالك لرقاب....برد ذ الهجران يطفى مشعالو
لا تترك شينة و بيها نتعاب....ولا لوم عليا نفد صبري ماذالو
لملنا فالشمل والعشرة تطياب....يليانو لقلوب و للرحمة يسهالو
بجاه الرسول فاتح كل ابواب....يتمسى محلول ذ القلب اقفالو
هون يااله لامن طلبك خاب....ذا اصلاح البين سلك تخبالو
تمت بقلمي medcherif03