دليل الحائرين في اهم الاسئلة عن الكرياتين !!!

[nermina]

بسم الله الرحمن الرحيم

الاخوة الكرام كل عيد فطر و انتم بخير اعاده الله دائما علينا بالخير و العافيه و الفرحه
تقبل الله منا و منكم ان شاء الله

موضوع النهارده عن الكرياتين و بصراحه حوار شائك جدي

هأعلمه في صوره حوار بيني و بين الكابتن الاوليمبي الكبير الواد حموكشه ال Supporter بتاعي


حموكشه :- مساء الانوار يا ابو الكباتن
انا :- مساء الفل يا حموكشه بيه
حموكشه :- الا قولي يا كابتن هوا ايه الكرياتين دا ؟؟؟ دا اللي بيحطوه علي الشعر عشان يبقي قوي و كدا ولامع !!
انا :- كرياتين و شعر ولامع حسبي الله و نعم الوكيل في الجهل يا جدع
حموكشه :-ايه بس يا كوتش هوا انا قولت حاجة عيب ولا حرام
انا :- ولا امشي من قدامي بدل ما اديلك بالدمبل في وشك هههههه
حموكشه :- هدي نفسك يا كبير احنا في رمضان قولي بس الله يكرمك ايه دا و بيعمل ايه و ليه الناس بتقلق منه و تقولك ترسبات علي الكلي و ما اعرفش ايه
انا :- و الله يا حموكشه يا ابني علي الرغم من ان فيه درسات بالهبل و ادله علميه و تجارب ناس الا فيه ناس كتير بتخاف و لسه بيسأل هوا امن الاستخدام ولا ايه بالظبط. عموما بشكل مبدئي الكرياتين دا امن تماما و مفيش منه مشاكل اللهم في حالات شبه معدومه الوجود.

حموكشه طيب كمل يا كوتش الله يكرمك
انا:- الكرياتين دا حمض اميني مستمد من الاحماض الامينيه الاتيه "

glycine, arginine, andmethionine " و يوجد الكرياتين بصورة 95% في العضلات الهيكلية و ال 5% الباقيه في المخ و القلب و الخصيتين تمام كدا يا ابني فاهم لحد دلوقتي هههه يا رب يا اخويا تكون فهمت و عموما تم اكتشافه بواسطه الكميائي الفرنسي

Michel Cheveulفي العضلات الهيكليه و الكلام دا يا ابني في سنه 1832 ايه رأيك

حموكشه:- ياه و الله انت بتقول درر سكوب اكستند يا ابني للكابتن محمد عطيه عشان الريكافري و انا احنا عطلناه عن التمرينه كمل الله يكرمك يا كوتش البتاع الكرياتين بيشتغل ازاي يعني و دوره عمله داخل الجسم البشري


انا :- درر !! ماشي هأكمل بس عشان الناس الحلوه الكرياتين كحمض اميني بيتم امتصاصه بواسطه المعده و الامعاء الدقيقه ثم الكبد و منها لمجري الدم و العضلات و بعدها بيتم ملئ حاجة اسمها (ATP Adenosine triphosphate (ATP ايه البتاع دا يا كوتش دا كمان عارف انك هتسأل !!! ههههه عموما دي مراكز الطاقه في الجسم و دي اللي بتخليك تقدر تقوم بوظائفك الحيويه و يبقي فيك حيل تتحرك غير كدا هتبقي زي الماكينه من غير وقود !!!! نرجع تاني لل ATP لما يتم ملئ المخازن دي بتبقي مستعد انك تعمل مجهود عالي و لما تبدأ التمرين المخازن دي بتبدأ تفضي واحده واحده لحد ما تستنفذ و كذلك برده مخازن الجليكوجين و غيرها لحد ما بتبقاش قادر تتحرك و يتم ملئها مره تانيه بعد التمرين لما تأكل و تاخد حاجة فيها كرياتين او الاحماض المسببه لأنتاجه.
حته كدا لزوم الصحصه و السيطره الميدانيه

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 1047x666 .


واحده كمان عنابي عشان خاطر الحبايب




هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 811x586 .



و دي عشان شرح العلاقة بين معدلات الطاقه و الزمن يعني بمرور الزمن الطاقه بيحصل ليها ايه ؟؟

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 1400x914 .


خد بقي عندك حته كدا علي السريع في شرح اليه نقل الكرياتين من الدم للعضلات و الخلايا العضليه

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 686x788 .


و دي بالصلاه علي النبي الهادي مصادر الطاقة للحصول علي او انشاء مكتسب عضلي

حموكشه
:- يا لهوي يانا يا ابا يانا يا اما ايه الكلام المكعبر دا يا كوتش ههههه الله ينور عليك مش فاهم حاجة .
انا
:- بص تاني كويس تاني يا ابني الصوره شارحه نفسها و هتفهم و لو ما فهمتش ابقي قولي علي الخاص او اسأل في قسم الاستفسارت و هيتجاوب عليك .


حموكشه
:- لأ لأ مليش دعوة قولي هنا حالا
انا
:- بص يا ضنايا انت لما بتاخد حاجة فيها كرياتين اكل بقي او احماض تتسبب في انتاجه او كرياتين بيور اللي بيحصل ايه بقي ان مخازن الفوسفوكرياتين او phosocreatine (PCr) stores.بيحصل ليها ملئ او اشباع و بالتالي تستخدم كوقود للطاقه الداخليه.


حموكشه
الله عليك يا كبير و الله مدرسه دولي من يومك . طيب مين بقي ممكن ياخد كرياتين ؟؟؟
انا
:- اي بني ادم عايز يحصل علي جسم lean Body mass أو زيادة القوه العامه في التدريب او اي مهام شاقه

حموكشه
:- ممممم طيب يا كبير الكرياتين دا المفروض يتاخد ازاي و كام جرام و ايه افضل طريقه لأمتصاصه؟
انا
بص يا حبيبي الكرياتين بيتاخد علي ماء يعني تاخده مع شويه ماء عادي جدا او لو عايز الافضل وسط حامضي زي عصير العنب الاحمر و دا الافضل علي الاطلاق بيسرع الامتصاص تقريبا 60% و يؤخذ في الغالب بكميه 10 جرام مجزئه علي مرتين و الكلام هنا علي المونوهيدريت كرياتين او الميكرونيزد و الحد الاقصي 30 جرام ولا يوصي بأخذه الا في حالات معينه و لسنا بصدد الكلام عنها هنا.

حموكش
ه طيب ايه بقي انواع الكرياتين ؟؟؟

انا اتفضل يا ضنايا

1-Creatine Monohydrate:
وده الكرياتين البيور والمستخدم منذ عقود من الزمن والاوسع انتشارا بين اللاعبين و اول انواع الكرياتين انتاجا.
مميزاته:
رفع مستويات الطاقه وقوة التحمل اثناء اداء التمارين الرياضيه المختلفه و كذلك الاستشفاء العضلي
عيوبه :
ضعيف الذوبان في الماء وامتصاصه قليل في الجسم و يفضل اضافه عنب احمر لزياده الامتصاص

2-Micronized Creatine:
كرياتين مونوهيدريت بس اتعمل لجزيئاته micronized (تصغير حجم الجزيئات) 20مره اصغر من جزيئات الكرياتين العادي بما يسمح بسهولة وسرعة امتصاصه

مميزاته:
امتصاص اسرع من Creatine Monohydrate لانه تم تصغير جزيئات المونوهيدريت بصورة كبيره لتسهيل الامتصاص و الذوبان و بحيث يكون بفعاليه اكثر و اضراره اقل


3-Creatine Ethyl Ester
الكرياتين المونوهيدريت (semi-lipopholic) بيستخدم lipid للنفاذ من غشاء الخليه
فبنعمل حاجه للكرياتين اسمها esterification باضافة الاستر للكرياتين البيكون متواجداساسا في الدهون وده بيزود نفاذية وامتصاص الكرياتين بمعني ادق بنزود ال lipopholic

مميزاته:
فعاليه اكثر من المنتجات الاخري لانه الاسرع في الامتصاص
ليس له اي تاثير علي المعده ولايحتاج لفترة تحميل

4-Creatine Kre-Alkalyn:
منتج امن لا يتحول الي creatinine وده بسبب ان جزيئاته مصنعه بحيث تتميز ب نسبة قلويه عاليه (في 12ph) ف تقاوم حموضة المعده العاليه وبكده بتقل نسبة تحوله اليcreatinine.

5-Creatine Orate:
كرياتين مع حمض Orotic وحمض Orotic ماده اوليه لنواة الخليه بيساعدها في رفع ادائها الوظيفي ويسرع من تكوين الفوسفوكرياتين وهو من افضل انواع الكرياتين من ناحية الحصول علي الطاقه.

6- Creatine Malate:
كرياتين مونوهيدريت مع حمض malic وهو حمض له دور في اتمام دورة كريبس للحصول علي الطاقه "زي اللي في الصور فوق " والاسراع من عملية الاستشفاء العضلي بعد تمارين رفع الاثقال او تمارين كمال الاجسام العنيفه.


حمكوشه
بقول يا كبير انا عايز اعرف اكتر عن كيفيه و اليه عمل الكرياتين ؟

انا
لما حضرتك بتقوم برفع اوزان عاليه أثناء التدريب تكون بالتالي الألياف العضلية في وضع الانقباض ودا عشان الالياف العضلية (الأكتين والميوزين) . و الانقباض دا ينتج عنه انفصال أحدى روابط الفوسفات عن جزيء الأدينوزين ثلاثي الفوسفات (ATP) الذي يتكون في الأساس من (جزيء واحد من البروتين + ثلاثة جزيأت من الفوسفات) . عملية الانفصال تحول الأدينوزين ثلاثي الفوسفات (ATP) إلي أدينوزين ثنائي الفوسفات (ADP) وينتج عن هذا الانفصال طاقة كيميائية تتحول جزئيا إلي طاقة ميكانيكية حركية تستخدمها الألياف العضلية في عمل انقباض .
وهنا بقي يا معلم يأتي دور فوسفات الكرياتين (CP) الذي يتركب من (جزيء واحد من الكرياتين + جزيء واحد من الفوسفات) في تجديد ثلاثي فوسفات الأدينوسين من خلال تفكيك رابطة فوسفات الكرياتين (CP) التي تربط بين جزيء الكرياتين وجزيء الفوسفات فينطلق الفوسفات مصحوبا بالطاقة ويتحد من جديد مع ثنائي فوسفات الأدينوزين (ADP) مكونا ثلاثي فوسفات الأدينوزين (ATP) و العملية دي فقط بتحدث أثناء ممارسة الكارديو او كمال الأجسام .
ولكن مخزون فوسفات الكرياتين الموجود بالعضلة لا يكفي لانقباض العضلة إلا لبضع ثواني (من10-15 ثانية) وهنا بقي بيأتي دور الكرياتين يا معلم و هو زيادة كمية المخزون من فوسفات الكرياتين (CP) وأيضا إعادة بناء هذا المخزون بصورة سريعة مما يؤدي إلي تسريع إعادة بناء ثلاثي فوسفات الأدينوزين مما يزيد من قدرة الألياف العضلية على أنتاج الطاقة اللازمة بصورة سريعة أثناء التدريبات المكثفة .


بقولك يا حموكشه خلينا نكمل بكره ان شاء الله عشان انا صايم و مش قادر اتكلم اكتر من كدا ماشي


للحديث تتمه ان شاء الله في جزء ثاني

تقديرا لمجهود صاحب البوست او المشاركه فانه لا يمكن مشاهدة الروابط إلا بعد التعليق على البوست In appreciation of the efforts of the owner of the post or participation, the links cannot be viewed until after responding to the post or participation

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 850x319 .

سأضرب في طول البلاد وعرضها ... أنال مرادي أو أموت غريبـا

فإن تلفت نفسي فلله درهــــا ... وإن سلمت كان الرجوع قريبا

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 960x639 .



هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 930x322 .



هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 1000x380 .



Supplements Is Not A Magic But A Way To Achieve Your Goal Fast