بعض المعلومات عن الصناعة المصرية

كتب/محمود علوم

– تبلغ نسبة الصناعة في مصر 38 % من الناتج المحلي الاجمالي يعني ضعف المتوسط العالمي الذي يبلغ متوسطه 20 % تقريبا .. ويضع هذا مصر في المركز التاسع عالميا من حيت مساهمة الصناعة في الناتج المحلي الاجمالي . – يبلغ عدد المصانع في مصر 33 ألف مصنع مرخص وأكثر من 40 ألف مصنع غير مسجل . – توجد في مصر حوالي 200 منطقة صناعية .. أشهرهم طبعا السادس من أكتوبر والعاشر من رمضان وبرج العرب ومدينة السادات وبني سويف والمنيا وشرق بورسعيد والمنطقة الصناعية بالقاهرة الجديدة ولكن توجد الكثير من المناطق الأقل شهرة . – الصناعة المصرية تشمل صناعات ثقيلة ومتقدمة وكذلك صناعات خفيفة .. ومصر فعلا بتصنع من الابرة الى الصاروخ مش مجرد شعارات .. عندنا صناعات طائرات تدريب وطائرات بدون طيار ومدرعات ودبابات ومنظومات صواريخ وصناعة أوتوبيسات على مستوى عالمي وبناء السفن واليخوت وصناعة أجهزة منزلية بأنواعها وفيها ماركات مصرية أصبحت معروفة وصناعة الحديد والصلب والأسمنت والسيراميك ومواد البناء والكابلات والأسمدة والبتروكيماويات وتكرير البترول وصناعة الملابس والغزل والنسيج .. وطبعا المواد الغذائية اللي تعتبر من أكبر الصناعات في مصر. – اللي عايز يعرف عن الصناعة المصرية ممكن يتصل باتحاد الصناعات المصرية وممكن يزور المصانع الحربية ومصانع الهيئة العربية للتصنيع وممكن يزور أي منطقة صناعية كبيرة زي السادس من أكتوبر والعاشر من رمضان وبرج العرب والسادات مثلا ويشوف بعينه .. والمفاجأة ان أي منتج بتفكر فيه ستجد له مصنع في مصر .. وبعد كل ده هتلاقي اللي يقولك مصر بتستورد كل حاجة ودولة استهلاكية ومش عارفين نصنع أستيكة !!