بعد الحمد لله غايتنا والصلاة والسلام على نبية المصطفى قدوتنا الذى علمنا الجهاد فهو سبيلنا
افكر فيما بعد فلا استوعب الامور معقدة وصعبة والطريق مقطوع موش عارف لة حل
فيزيد حيرتى اصل الى مرحلة من الياس وانة مفيش فايدة دة تفكيرك البشرى البحت والمنطق والعقل وفقط ..
انما فى امور تانية غايبة عنك وعلاج حالتك دى.. ان تثق بالله
عندك نماذج كتير تعالى نفكر فيها علشان تعرف ان مفيش حاجة اسمها مستحيل
وان ربك قادر فى لحظة يبدل الحال ويغير الامور وانة فعلا قاادر
سيدنا ابراهيم مثلا عندما ارادو قومة ان يلقوة قى النار وبالفعل تم حفر الخندق واشعال
النيرا وفلا تم القاء سيدنا ابراهيم فيها بالمنطق البشرى والواقع والعقل ان ابراهيم هالك
لا محاولة مفيش اصلا فرصة للنجاة
..لكن بالثقة بالله ويقين ابراهيم قال "حسبنا الله ونعم الوكيل "النتيجة جاء الأمر الإلهي" يا نار كوني برداً وسلاماً على إبراهيم" ...
المثل التاني علشان مطولش عليك أولئك القوم الذين قيل لهم "إن الناس قد جمعوا لكم
فاخشوهم" العقل بيقول انهم مغلوبين لا محالة .. ولكن ثقتهم بالله أكبر من قوة أعدائهم
وعدتهم .. فقالوا بعزة الواثق بالله"حسبنا الله ونعم الوكيل،"
النتيجة "فانقلبوا بنعمة من الله وفضل لم يمسسهم سوء"...
هختم معاك بقصة السيدة هاجر عليها السلام عندما تركها زوجها فى الصحراء فى
هذا الوادى غير ذى زرع .. قلى بالله عليك اين النجاة هنا ؟؟ صحراء لا زرع ولا ماء
ولا بشر ولا حياة اصلا صحراء شمس ملتهبة وحارقة وجو موحش شغلى عقلك وواقعك
المادى كدة يا حلو مسدود صح
نادت يا ابراهيم لمن تتركنا انا وابنك الرضيع الصغير !!؟ قالتها فقط لتسمع
منه كلمة يطمئن بها قلبها فلما علمت أنه أمر إلهي قالت بعزة الواثق بالله
"إذا لا يضيعنا الله" .. شوفت الثقة بالله بتعمل اية فى النفوس ؟
والنماذج كتير سواء اكان فى قصة سيدنا " يونس "
فى بطن الحوت وقولة " لا الة الا انت سبحانك انى كنت من الظالمين "
او قصة سيدنا " موسى " مع فرعون وقولة "كلا ان معى ربى سيهدين "
انا موش عايز اطول عليك اكتر من كدة بس
بالله عليك اوعاك تيأس فى يوم او تقنت من رحمة ربنا
وكن على ثقة تامة ان الله معك وانة لا يرضى بما يضرك فقط ثق بة وتوكل علية وخد بالاسباب وانتظر النتيجة وسترى ما يسرك :)
"ملحوظة " اكثر من قول ما تم تعليمة بالاحمر
بعتذر على الاطالة طبعا بس يارب اكون قدرت افيدكم بحاجة وهى تذكرة بما عندكم فقط
خاطرة (2) الثقة بالله
العرض العادي
