موضوع يستحق القراءة حتى الأخير !!
السلام عليكم صاحا رمضانكم أما بعد أردت أن أتحدث عن الأساتذة في هادا الموضوع !! قلبي كلاني الله غالب المهم معاكم طالب في المدرسة العليا للأساتذة أنا العام لي فات كان عندي باك و جبتو بتقدير و الحمد لله
و أردت أن أتحدث في بعض النقاط بحجة أني طالب و صديق لكثير ممن يسمون أنفسهم أساتذة !! و أردت أن أبين أنني قررت تغيير التخصص (عفت التخصص!!) بعد أن رأيت و سمعت عن الكثير ممن يسمون أنفسهم أساتذة و سأذكر لكم بعض القصص في هاذا الموضوع
المهم نحكيلكم حكايتي معا العام تاع الباك أبغي نبدا في قصف ما يلقبون أنفسهم بأساتذة!!
العام لي فات الحمد لله كانو كاينين بعض الأساتذة القدماء الذين أحترمهم كثيرا و أنا لا أعنيهم أبدا بالقصف
الموهيم كانو قلال ليسي كامل فيه وحد 3 ولا 4 من هادوك الاساتذة لي راسهم شاب مع القرايا ،، لي تجاوزو سن التقاعد و لديهم 35 و 36 سنة في القطاع و لم يريدو التقاعد لحبهم لمهنتهم ،،، أغلب هاد الأساتذة تلقاهم زاهدين في الدنيا ! تلقا البعض منهم سكن و ما عندوش تلقاه كاري ولا ساكن في سكن وظيفي حتى السيارة و كاين لي معندهومش !! هادو هوما لي يستحقو لقب أستاذ و يستحقو تقادرهم و تحتارمهم لأنهم يؤدون في عملهم من أجل ارضاء الله و من أجل بناء جيل ناجح ^^ ربي يحفظ و يرزق كل أستاذ من هاذ النوع بواش راه متمني :)
و دوكا نحكيلكم على هادوك الأساتذة تاع جيلنا و تاع الحاضر الجدد لي عندهم 15 سنة و أقل في القطاع ،،، أغلبهم لا يستحق لقب أستاذ و أضرب لكم مثال عن أستاذ كان يقرينا الفيزياء كان يدخل يملي يملي يملييييي و يخرج و يقولنا لي حاب يفهم يجي لدار يدير ليتيد و يقولنا هنا نكتبو و الفهامة في دار
و راكم عارفين كيفاش حكاية ليتيد عند هاد الأستاذ ؟؟ مجموعة تاع 20 --25 تلميذ ب 5000 دج للتلميذ الواحد لأربع حصص و الحصة يخلصها عليك حتى و لو كنت غاءب و كان يقري على الأقل 30 مجموعة :confused: ديرو حسابكم شعال !!!! هاد الأستاذ أشتهر في منطقتي بأنه نابعة في الفيزياء و كي تقرا عندو الفيزيك تفهمها بسيف عليك !! و هي صح لكن هادي موهبة رزقه اياها الله ليعمل عمله في ليسي بها قانونيا ماشي في ليسي يملي و في دار يستعمل مواهبه و يقري في ولاد الناس ب 5000 دج لراس بصفة غير قانونية و الله كان يدخل دراهم كبار و ما يخلص عليهم لا ضراءب و لا أي شيء !!! هاد الأستاذ عندو فيلا 4 طوابق و عندو سيارة من نوع tiguan سعرها يتجاوز 500 مليون و وليدو شاريلوgolf7 سعرها 400 مليون أو أكثر !!! هادو دراهم قاع دارهم من خلال المتاجرة بأبناء الناس !! أتسمون هادا بأستاذ ؟؟؟ أنا أبي طبيب منذ 27 سنة و لا يملك لا فيلا و لا tiguan ولا أي شيء !! نعيش في شقة عادية و سيارة أبي لا تتجاوز 100 مليون سنتيم !!
أما بعد دوكا جا وقت القصف !!
تأمنو صاحبي حكالي على أستاذ رياضيات عندو 3 سنوات في القطاع يعرفو قالي يظلي سهران و يسكر و يدخل يقري مقفل يعني يتكيف الزطلة قبل دخوله للقسم !!! واحد الخطرا قالي قالو كنت مزطول و قاعد نكتب في الطابلو أبغي توسوست أيا درت لتلاميذ و قتلهم نوضو و عاودو أقعدو !!! قالي قالو حتى سمعت الحس (صوت) الكراسي باش تأكدت بلي الكلاصة راهم فيها تلاميذ !! أهذا ما تسمونه بأستاذ ؟؟؟ يقاري فاقد لوعيه !!!
و نعرف واحد تخرج هاد العام من المدرسة العليا للأساتذة !!! تعرفو واش كان يخدم خلال 5 سنوات التي قضاها في الحي الجامعي !! كان مروج للأقراص و الحبوب المهلوسة ما يسمى بالروش و الصاروخ و ليكستازي و غيرها !!! هاذا سيكون أستاذ بعد 3 أشهر ؟؟؟ أهذا أستاذ ؟؟؟
نزيدلكم مثال آخر عن وحدة نعرفها تقرا السنة 3 في المدرسة العليا للأساتذة **** أعتذر عن اللفظ لكنها تبيع لحمها (شرفها) مقابل النقود !!! هادي ستكون أستاذة علوم طبيعية و الحياة في الثانوية بعد سنتين ! و ستدخل على طلابها بالميني و الماكيياج لتفتنهم لا لتدرسهم !!! ماذا تنتظر من وحدة باعت شرفها مقابل النقود ؟؟ ألن تبيع مستقبل طلابها من أجل المال ؟؟
أهاذه أستاذة ؟؟؟ أتستحق لقب أستاذة و العار أنها ليست الوحيدة في البرومو تاعهم لي تخدم هادي الخدمة بل هناك الكثير من ما ستنادونهم بأساتذة بعد سنتين يبيعون شرفهم مقابل المال !! كنت حاسب لي تخدم هاد الخدمة غي لي جاهلة ماشي لي قارية و عندها آفونير !! لكن هادي هي الجينيراسيون تاعنا و هادا هو الجيل تاعنا ما عندو الزهر في والو .... :/
هادا هو حال قطاع التربية الآن و للأسف يعرفو غي الدراهم الدراهم و مع ذلك يمكن أن تجد القليييل القلييل من أساتذة جدد يستحقون لقب أستاذ :/
المهم بركاونا من الكذب يا لي حاسبين رواحكم أساتذة رانا معاكم في القطاع و رانا عارفين العقلية كيفاش راهي تدور !! مالا غي خطيكم من خداع الناس و تزينو في صورة تاعكم للناس و حابين تطيحو علينا محقورين و مظلومين و أنكم خيرة الخلق و نتوما في الصح بلايسة و منافقين !!! لي راه بينو و بين ربي عارف روحو بلي صح أستاذ و صح يدير في خدمتو كيما الأساتذة تاع بكري يهدر علا روحو برك !! ماشي يدافع عن كل الأساتذة و لربما هو و زميل أو زميلن فقط لي صح أساتذة من ولايتو و الباقي كولو هف في هف و كيما قالي
وحد الأستاذ متخرج جديد هف تعيش ولا فاقولك معليش ..... اي وي هادي هي حالت الدزاير و حالت الجزاءريين الآن ماكاش رقابة من الدولة ،،، الدولة مخليتهم يديرو رايهم ،،،،، و هوما ما يخافوش ربي !!!
المهم لم أعني التجريح بكلامي فقط أردت أن أوصل ميساج للناس و نبينلهم الحقيقة و أردت أن أقول لي كل أستاذ (عن الأستاذ الحقيقي أتكلم ) تكلم عن نفسك و دافع عن نفسك فقط و لا تدافع عن أعداء الله لأنك ستحاسب عن هاذا يوم لا ينفع الندم
و السلام عليكم و صاحا فطوركم :)
قصف خطير للأساذة من قبل زميلهم !!!!
العرض العادي
