فارقها يا قلبي و عنها لا تسأل----وخسارة يا عيني عليها ذ الدمعات
و نسيت اسمك ياالخداعة ماذال----واسمايم وجهك من قلبي تمحات
رنة صوتك ياختي ما نحطلها بال----والبسمة بردت من فمك واتعرات
حتى خيالك طاح من عيني واذبال----اتبدل و اصفار بشحال من صفات
وصلي ليك آجافية قطعتو فالحال----لامرسول يصبرك و يعطيك بشرات
جرعتيني كيسان لمرارة و اتذلال----و عصرتي قلبي قداه من عصرات
غرامك ياحسراه درتو راس المال----ماضنيت يبور ويرخس فالسومات
ما شكيت نهار ذ المعدن يحوال----يتغير في اللون و لا قيمة و ابقات
يا عالي العليا ثقب ليها مشعال----يشعل في الكبدة و للقلب اجميرات
ضيعتي عمري هاذو سنين طوال----ما خفتي مولاك!... يا عرة لبنات
من بحرالعشاق تاب القلب و نال----و حيات فيه الروح من بعد الممات
حرمتك يا شينة الخصلة موحال----و نمحي حبك ما نولي لو هيهات
تمت بقلمي اليوم 02-05-2016- medcherif03
:sdf::sdf::sdf:
فارقها يا قلبي... =يقلمي=
العرض العادي
